Alciati Emblematum liber
Emblema XCII
Ocni effigies, de iis qui meretricibus donant, quod in bonos usus verti debeat
Impiger haud cessat funem contexere sparto,
Humidaque artifici iungere fila manu,
Sed quantum multis vix torquet strenuum horis,
Protinus ignavi ventris asella vorat.
Foemina, iners animal, facili congesta marito
Lucra rapit, mundum prodigit inque suum.