Alciati Emblematum liber
Emblema LXXXVI
In avaros
Septitius populos inter ditissimus omnes,
Arva senex nullus quo magis ampla tenet:
Defraudans geniumque suum, mensasque paratas,
Nil praeter betas duraque rapa vorat.
Cui similem dicam hunc, inopem quem copia reddit?
Anne asino? sic est: instar hic eius habet.
Namque asinus dorso pretiosa obsonia gestat,
Seque rubo, aut dura carice pauper alit.