Forward | Back | English | Commentary | Welcome Page

Alciati Emblematum liber

Emblema CXXX

Semper praesto esse infortunia

Ludebant parili tres olim aetate puellae
  Sortibus, ad Stygias quae prior iret aquas.
At cui iactato male cesserat alea talo,
  Ridebat sortis caeca puella suae:
Cum subito icta caput labente est mortua tecto,
  Solvit et audacis debita fata ioci.
Rebus in adversis mala sors non fallitur: ast in
  Faustis, nec precibus, nec locus est manui.

1529 49 1531 C4v 1534 51