Alciati Emblematum liber
Emblema CXXIV
In illaudata laudantes
Ingentes Galatum semiermi milite turmas,
Spem praeter trepidus fuderat Antiochus:
Lucarum cum saeva boum vis, ira, proboscis,
Tum primum hostiles corripuisset equos.
Ergo trophaea locans Elephantis imagine pinxit,
Insuper et sociis, Occideramus, ait,
Bellua servasset ni nos foedissima barrus:
Ut superasse iuvat, sic superasse pudet.